GENERAL SANTOS CITY – Matigayon na ning semanaha ang Treasures of Region 12: Business and Jobs Fair.
Ipahigayon kini sa Nobyembre 14, Miyerkules, hangtod 18, Dominggo, sa usa ka mall dinhi sa siyudad.
Matud ni Department of Trade and Industry (DTI 12) Regional Director Doris Delima, daghan ang mga bag-o ug exciting nga mga aktibidad ang ipahigayon sa maong event.
Daghan usab matud pa ang mga oportunidad alang sa mga negosyante, aspiring entreprenuers ug gapangita ug trabaho ang maong aktibidad.
Pipila sa mga Treasures of Region 12 mao ang Our 12 Trade Expo, Negosolosyon, Negosyo Center, Serbisyo sa Barangay Stakeholders Summit, Trabaho, Negosyo Kabuhayan Jobs and Business Fair, Regional CMCI Forum and Awarding ug ang MSME Regional Congress 2018.
Gikabutyag nga kapin sa 1,000 ka mga produkto gikan sa mga MSMes sa Region 12 ang apil sa Our12 Trade Expo.
Hinungdan nga iyang giimbitahan ang publiko nga muapil sa mga libre nga seminars atol sa Treasures of Region 12 aron makatabang sa pagpalambo sa negosyo.
