GENERAL SANTOS CITY – Hangtud karong adlawa sirado ang opisina sa Barangay Dadiangas South gumikan nagpositbo sa COVID 19 ang ilang usa ka empleyado.
Matud pa kang Kapitan Rock Garay nga ang tumong niini aron makapahigayon og contact tracing og dis-infection sa barangay.
Gibutyag nga naglain ang pamimaw sa maong empleyado sa pagtuo nga mitaas ang sugar hinungdan nga nagpa-ospital.
Apan migawas sa resulta sa RT-PCR test nga positibo sa COVID 19 .
Hinoon wala nasayran usab kung asa nakuha ang maong virus.
Gumikan niini gipailawom sa quarantine ang closed contact sa maong empleyado aron makontrola ang pagkatag sa virus.
Apila niini sa katawhan nga sundon ang mga patakaran og dili magkumpyansa ilabi pa nga daghan usab ang kaso sa COVID 19 sa lugar.
