GENERAL SANTOS CITY – Kaso nga reckless Imprudence resulting to Homicide ug damage to properties ang posebli nga atubangon sa bus driver nga kustudiya karon sa Polomolok Municipal Police station.
Kini kung mupasaka ug kaso ang tagtungod sa traysikel driver nga nahunusan sa kinabuhi human maapil kahagbong sa maneho nga traysikel human nabungguan sa bus nga maneho sa nagpangalan ug Fernando Villanueva 59 anyos nga residente sa San Juan, Agdao Davao City.
Kasamtangan nakahaya ang patay nga lawas sa biktima nga si Henry Celis nga taga Purok 9 Sulit, Polomolok, South Cotabato.
Alas dose sa udto kagahapon dihang nagsunod ang traysikel sa biktima ug ang Yellow Bus nga maneho sa suspek paingon sa direksyon sa Polomolok dihang nabanggaan sa bus ang likod nga bahin sa traysikel hinungdan nga nasirko kini ug nahagbong sa creek nga bahin.
Nakalokso ang tulo ka pasahero sa traysikel apan naapil kabunal ang biktima human mahulog sa lalom nga kimba.
Nakaangkon ug dagkong samad sa lawas ug ulo ang biktima hinungdan nga gidala sa Polomolok Municipal Hospital apan nahunusan na sa iyang kinabuhi samtang naa pa lamang sa dalan.
