GENERAL SANTOS CITY – Posibleng mag-atubang og kasong reckless imprudence resulting to mulitiple physical injury and damage to property ang driver sa sakyanan nga nakabangga sa traysikel sa National Highway Sarangani Makar Road atubang sa gas station.
Matud pa ni Police Senior Master Sergent Jose Sembrano sa Traffic Management Unit nga ang nagbangga mao ang Mitsubisihi mirage nga maneho ni Margie Luna Kuya, 20 anyos nga taga Rajah Muda Bula og traysikel maneho ni Sukamo Abdul Maruhom , 45 anyos taga New Society Apopong, kritikal ang kahimtang sa ospital.
Samtang angol usab ang duha ka pasahero niini nga silang Merlinda Makalolots, 54 anyos taga Calumpang og Lisa Poylong 48 anyos taga Koronadal City og Iluminada Gonzales, 58 Calumpang nakaangkon ug mga samad sa kalawasan.
Gisubay sa kotse ang Sarangani Makar road paingon Fishport Complex Tambler gamit ang inner lane samtang ang traysikel ginasubay ang opposite lane nga padulong sa Puting Bato Calumpang .
Pag-abot sa lugar kung asa nahitabo ang insidente nag-overtake ang kotse sa usa ka sakyanan og nasugat ang traysikel.
Sa kakusog impact sa pagkabangga, nalagpot ang driver sa traysikel og mga pasahero niini.
Naghulat ang TMU sa aksyon sa mga pamilya sa biktima kung magpasaka og kaso batuk sa driver sa kotse.
