Travel ban batok kay Atong Ang og uban pa, gitun-an na sa DOJ Prosecutors

Nipaambit si Prosecutor General Richard Anthony Fadullon sa Department of Justice nga gitun-an na sa prosekusyon ang hangyo alang sa ‘precautionary hold departure order’ gikan sa korte.

Kung matino nga adunay hulga nga mobiya sa nasud ang mga respondents, matod niya nga adunay kapilian o basehan ang paghangyo sa ingon nga mando.

Iya kining gipahibalo subay sa kumpirmasyon ni Justice Secretary Remulla nga usa ka ‘immigration lookout bulletin order’ ang giisyu ngadto sa mga respondents sa ‘missing sabungeros case’.

Lakip sa gitumbok ni Julie ‘Dondon’ Patidongan nga nalambigit sa kaso mao sila si Charlie ‘Atong’ Ang ug Gretchen Barretto.

Kahinumduman nga hugot kining gipanghimakak sa mga nahisgutan.