GENSAN – Pormal ng magsugod karong adlawa ang training sa mga atleta sa Region 12 alang sa 2018 Palarong Pambansa.
Gibutyag sa Bombo Radyo ni Celso Tingzon, DepEd-GenSan Physical Education Sports Supervisor, nga karong adlawa usab muadto sa Koronadal City ang anaa sa 106 ka mga atleta gikan sa GenSan, aron sugdan ang live-in training.
Sumala pa nga sa Koronadal Comprehensive National High School ang billeting area sa mga atleta.
Sagad matud pa sa mga atleta gikan sa Gensan nga ipadala sa Palaro ang mga nakadaog sa individual events.
Ang volleyball girls secondary ang maoy group games nga kwalipikado sa maong tinuig nga sports events.
Nasayran nga ang Palarong Pambansa 2018 ang ipahigayon sa Vigan Ilocos Sur karong Abril 15 ngadto sa 21 ning tuiga.
