GENERAL SANTOS CITY – Pormal nang nagsugod ang training camp ni eight division world champion ug Senator Manny Pacquiao dinhi sa siyudad, alang sa gikatakdang away kang Lucas Matthysse sa Hulyo.
Subling nakauban ni Pacquiao ang mga higala ug trainer nga silang Coach Buboy Fernandez ug Raides “Nonoy” Neri kung asa gi-anam-anam una nila ang pagbansay, pinaagi sa regular gym drills and plotting pre-fight strategies.
Sa karon, inspirado matud pa ang fighting senator sa iyang training.
Kini, duha ug tunga sa bulan na lang ang nahibilin una ang away nila sa Argentine boxer sa Axiata Arena sa Kuala Lumpur sa July 15.
Excited na usab matud pa si Pacquiao nga makaatbang ang gikonsidera niyang “dangerous champion” sa usa ka “difficult and challenging fight”.
