GENSAN – Na-rescue ang usa ka trail rider sa mga personahe sa CDRRMO–Gensan Rescue Team kaabag ang Trail Community sa dakbayan sa General Santos City human kini nahulog sa pangpang sa Buko-Buko Peak sa Brgy. Olympog karong Dominggo, Disyembre 28.
Sumala kang Dr. Bong Dacera, Department Head sa CDRRMO, pasado alas-10 sa buntag nadawat nila ang tawag gikan sa usa ka concern citizen mahitungod sa insidente ug dihang dayon silang nag-deploy og rescuers.
Ang biktima, usa ka 39 anyos nga lalaki, nahulog sa taas nga bahin sa trail nga may giladmon nga mga 30 metros ug nakaangkon og fracture o dislocation sa iyang tuo nga tuhod.
Human sa rescue operation, gidala ang rider sa mas luwas nga lugar ug dayon gisayran sa ospital alang sa tambal.
Giawhag usab sa CDRRMO ang barangay nga magpatuman og polisiya ug ginadiskorahi ang trailing sa maong peak tungod sa taas nga risgo sa disgrasya._
