Nasikop sa entrapment operation ang usa ka trader sa Brgy. South ning syudad.
Sa hinusang pwersa sa RID-SOG kauban ang Criminal investigation Branch ug Bula Police Station, nagpahigayon ug follow -up entrapment operation batok sa online scammer/swindler / trader sa usa ka investment scheme sa Acharon Boulevard, Brgy. Dadiangas South nga miresulta sa pagkasikop kang Emmenuel Reyes Orcullo, 22 anyos, trader ug residente sa Imus Cavite.
Kini human nga giduhol ang salapi gikan sa biktima nga si Bernie Solatorio alyas Bong Sola, 44 anyos, agent ug residente sa Bago Aplaya , Davao City Narekober sa suspek ang boodle money, Samsung S10 ug nokia mobile phones, duha ka pads sa check booklet, bank book, passsport ug salapi nga nagkantidad ug 1,720.00.
Nasayran nga si Bong Sola ang nasikop usab sa entrapment operation miaging adlaw human nga nidawat ug pay-in nga mukabat sa P2million gikan sa usa ka investor.
Anaa sa kustodiya sa Bula Police Station ang suspek ug giandam ang kasong swindling o estafa pinaagi sa inquest proceedings.
