Trabaho sa mga opisina sa gobyerno karong Dec. 29 ug Jan. 2, 2026 suspendido

Gipahibalo sa Malacañang ang pagsuspinde sa trabaho sa mga opisina sa gobyerno karong Disyembre 29 ug Enero 2, 2026.

Sumala sa Memorandum Circular No. 111, ang tumong sa pagsuspinde sa trabaho mao ang paghatag og panahon sa mga empleyado sa gobyerno aron magsaulog sa Bag-ong Tuig uban sa ilang pamilya.

Gihatagan usab kini og kahigayonan ang mga empleyado sa gobyerno nga makasuroy sa nagkalain-laing bahin sa nasud.

Bisan paman niini, magpadayon gihapon ang operasyon sa mga ahensiya nga responsable sa emergency response ug preparedness.

Samtang gitugyan na lamang sa Malacañang sa mga tag-iya sa mga pribadong kompanya ang desisyon kon isuspinde ba nila ang trabaho sa ilang mga empleyado.