-- ADVERTISEMENT --
GENSAN – Padayong giimbestigahan sa kapulisan sa Tupi, South Cotabato ang pagpamusil-patay sa usa ka trabahante sa munisipyo miaging gabii.
Giila ang biktima nga si Cesar Andalinog, 38-anyos, Prk 2 Palian, Tupi.
Sa inisyal nga imbestigasyon, samtang sakay ang biktima sa tricycle kauban ang iyang asawa ug anak dihang gitaparan sa nakamotorsiklo nga suspek ug gipusil sa makaduha ka higayon.
Matud sa ni Police Chief Inspector Bernie Faldas, hepe sa Tupi Municipal Police Station, daghan sila ug gitutukan nga anggulo sa nahisgutang krimen, ug lakip niini ang personal nga bangi ug may kalabutan sa trabaho sa biktima.
Sa karon padayon pang ginaila sa kapulisan ang suspek.
-- ADVERTISEMENT --
