GENERAL SANTOS CITY – Gikalipay sa Overseas Workers Welfare Administration 12 ang gimando ni Pangulong Rodrigo Duterte nga total deployment ban sa mga OFWs sa Kuwait.
Sa pakighinabi sa Bombo Radyo, gibutyag ni Marilyn Jamero gikan sa OWWA-12 nga nalipay sila sa maong development, samtang nagpadayon ang imbestigasyon sa mga namatay nga OFWs sa nasampit nga nasud, human nakasinati ug pagpang matrato sa ilang amo.
Sumala pa nga gawas sa nagsunod nga pito ka Pinay nga namatay sa nasampit nga nasud, daghan matud pa ang mga domestic helper nga namatay ug nabiktima sa ilang mga employer sa nasampit nga nasud.
Gumikan sa nahisgutang kamanduan ni Pangulong Duterte, gipaundang na matud pa ang paghatag ug overseas employment certificate (OEC) nga kinahanglan sa ilang pagbiyahe, sa mga ga-apply aron magtrabaho sa Kuwait, lakip kadtong mga first-timers, bisan kadtong mga nagbakasyon lang diri ug mubalik pa unta didto.
Gikalipay usab sa OWWA-12 ang gimando sa pangulo nga repatriation sa mga OFW nga buot nang muuli sa nasud, hilabi na nga kahibaluan nga daghan gayud matud pa nga buot nang muuli sa nasud.
