GENERAL SANTOS CITY- Lima ang bag-ong kaso nga nadugang sa COVID-19 sa tibuok rehiyon- base kini sa bag-ong datos nga gipagawas sa DOH-12, tungod niini nakatala na karon ug 443 ang katibok-ang nga ihap sa maong makamatay nga sakit.
Gani nadugangan ug pito ang mga nakarecover hinungdan aduna nay 332 ang total nga recovery.
Samtang nagpabilin gihapon nga lima ang natala nga namatay kung asa duha sa North Cotabato ug tulo ang Sultan Kudarat.
Sa karon nanguna sa pinakadaghan nga natala nga kaso ang Probinsya sa South Cotabato nga adunay 110 kung asa 80 niini ang nakarecover.
Samtang anaa na karon sa ikaduha nga pwesto ang dakbayan nga adunay 76, samtang 40 ang nakarecover.
Nagsunod ang probinsya sa Sarangani ug Sultan Kudarat nga adunay tig 75 ka mga kaso kung asa ang Sarabngani adunay 66 samtang sa Sultan Kudarat adunay 43.
Naa karon sa ikalima nga pwesto ang North Cotabato nga adunay 59 ka mga kaso samtang 43 ang nakarecover.
Ang Cotabato City adunay 48 ka mga kaso, 29 ang nakarecover.
