Miani og standing ovation ang SONA 2024 ni Presidente Ferdinand Marcos Jr., dihang gihisgotan ang kabahin sa operasyon sa POGO sa nasud.
Diin gimando niini ang ‘total ban’ sa mga operasyon sa POGO nga epektibo sugod kagahapong adlawa.
Ang desisyon sa Presidente gibasi sa rekomendasyon sa iyang economic managers ug gihingusgan niini nga ang POGO walay maayong ikahatag nga maayo sa nasud.
Gidugang pa niini nga ang POGO nagpakaaron-ingnon nga lehitimong entidad apan ang ilang mga operasyon nalambigit sa mga ilegal nga kalihokan sama sa financial scamming, money laundering, prostitusyon, human trafficking, kidnapping, torture ug pagpatay.
Hinungdan nga kinahanglan nga mahunong na ang mga operasyon sa POGO sa katilingban ug pagpasipala sa nasud.
Gimandoan usab ni Presidente Marcos ang PAGCOR nga sugdan ang pagsuspenso sa operasyon sa POGO hangtod sa katapusan sa tuig.
Ingon man ang DOLE nga mangita og bag-ong trabaho alang sa mga kababayan nga maapektuhan sa pag-ban sa POGO.
