Gisumite ang bag-ong balaudnon sa House of Representatives nga makapasad-an sa mga opisyal ug lider sa fraternity kung adunay hazing nga moresulta sa kadaut o kamatayon sa neophyte.
Dili na lang ang mga aktwal nga nag-hazing ang mananagot, kundi pati ang top officials, alumni, ug advisers sa organisasyon.
Kung mahimong balaod, ang hazing mahimong ilawom sa kategoriya nga organized crime, ug ang mga responsable puwede makasuhan ug makulong og reclusion perpetua ug pagmultahan og P5 milyon pesos. Ang panukala gituyo aron mapugngan ang kultura sa hazing ug masiguro nga ang mga lider sa fraternity magbantay sa kahimtang ug kinabuhi sa ilang mga bag-ong kasapi.
Gipasabot sa mga mambabalaod nga kini nga lakang usa ka seryoso nga pamaagi aron masiguro nga dili na mausab ang mga insidente nga nagresulta sa kamatayon sa mga estudyante sa nagkalain-laing fraternity sa tibuok nasud.
