GENERAL SANTOS CITY – Kustodiya karon sa San Isidro Police Station og gikatakda usab nga i-turnover ngadto sa Camiguin Trial Court ang top most wanted sa nahisgutang lugar human nga malapusong nasikop.
Gidakop ang nagpangalan og Dominador Yamson Jadman Jr. 36 anyos, nga nanimuyo sa PI 16, Barangay City Heights ning syudad.
Wala na mipalag ang suspek dihang gibasahan sa mga personahe sa Police Station 4 og warrant of arrest sa kasong pagsupak sa RA 7610 nga gipakanaog ni Hon. Judge Jeofre Wacebo sa RTC Branch 36, Camiguin niadtong August 2014 ug adunay pyansa nga P200,000.
Nasayran nga kanhi nang napriso si Jadman sa Camiguin ug mihawa sa maong lugar og dayon miadto sa GenSan aron sibatan ang iyahang kaso hinungdan nga gipakanaugan kini ug warrant of arrest sa korte.
