GENERAL SANTOS CITY – Ipahigayon sa Marso 3, 2020 ang awarding nga himoon sa Business Permit and Licensing Division (BPLD) alang sa 50 ka mga negosyante nga unang nakaparenew sa ilang business permit ning tuiga.
Matud pa kang Licensing officer IV Geraldine Zamora nga lima ka tuig na kini nga gihimo sa LGU kung asa gihatagan og pasidungog ang mga negosyante nga unang makahuman sa pagrenew sa business permit.
Karong tuiga ang top 10 nga mga negosyante ang may cash award nga tag P5,000 kada usa, gawas sa plaque nga ilang madawat.
Si Willy Grandeza nga tag-iya sa usa ka karate center sa syudad ang kanunay sa mga early birds.
Kasagaran sa unang nakahuman sa pagrenew sa business permit ang mga gagmyang mga negosyante.
Ning tuiga anaa sa 14,000 ang target nga business permit nga ilang maisyu kung asa anaa na karon sa 12,000 ang nahatag nga business permit.
