Nipasaka ug 16 ka criminal complaints ang National Bureau of Investigation (NBI) batok kang Yang Jianxin, igsuon ni kanhi economic adviser Michael Yang
Matod sa Inter-Agency Council Against Trafficking, si Yan Jianxin o nailhan nga Antonio LIm y Maestrado, Antonio M. Lim, Tony Lim, nag-atubang si Tony Yang og kasong falsification, perjury ug paglapas sa Commonwealth Act 142 o Anti-Alisa Law.
Ang reklamo gisang-at ngadto sa Office of the City Prosecutor sa Cagayan de Oro niadtong Oktubre 17, 2024.
Kahinumduman niadtong Septiyembre 19, 2024 nga si Yan Jianxin gidakop sa Bureau of Immigration ug gipresentar sa senado ug House of Representatives sa imbestigasyon sa human trafficking ug illegal Philippine Offshore Gaming Operators (POGO).
Dugang pa sa IACAT nga 16 ka mga reklamo ang ipaubos sa preliminary investigation ug ilang gipaabot nga dugang reklamo ang ipasaka sa umaabot nga mga adlaw.
