Nanamilit na si Tom Thibodeau sa New York Knicks ug sa ilang mga fans sa usa ka full-page ad, human siya gipalagpot isip head coach sa team.
Sa iyang mensahe, gipasalamatan ni Thibodeau ang mga fans, ug ang iyang coaching staff, samtang gihinumdoman ang iyang lima ka tuig nga pagpabilin sa team nga iyang gitawag nga iyang damgo nga trabaho.
Ubos sa iyang pagpangulo, ang Knicks nakaabot sa Eastern Conference Finals karong season, ang unang higayon sulod sa 25 ka tuig.
Sa laing bahin, si Thibodeau adunay kinatibuk-ang rekord nga 226-174 sa regular season ug 24-23 sa playoffs.
Gipalagpot siya tulo ka adlaw pagkahuman sa kapildihan sa Game 6 sa Indiana Pacers, ug kaniadtong Hulyo 2024, gipirmahan niya ang tulo ka tuig nga extension nga nagkantidad og $10-11 milyon matag tuig.
Sa laing bahin, ang Knicks naglisod karon sa pagpangita og ikahulip ni Thibodeau.
Daghang mga team sa NBA ang nagdumili sa pagtugot sa Knicks nga makigsulti sa ilang mga head coach.
Kini naglakip nila Jason Kidd sa Dallas Mavericks, Quin Snyder sa Atlanta Hawks, Billy Donovan sa Chicago Bulls, Chris Finch sa Minnesota Timberwolves, ug Ime Udoka sa Houston Rockets.
Sa pagkakaron dili klaro kung kinsa ang Knicks sunod nga head coach samtang nagpadayon ang ilang pagpangita..
