GENERAL SANTOS CITY – Gipaabot pa sa mga opisyal sa Police Regional Office 12 ang opisyal nga resulta sa imbestigasyon sa SOCO, Cybercrime ug PNP Crime Lab, kalabot sa paghikog pinaagi sa pagpusil sa kaugalingon sa SAF member miaging semana, sulod mismo sa compound sa PRO-12.
Kini aron masayran kon unsa gayud ang gikamatay sa biktima nga si PO2 Melchor Cordero, 28 anyos, luyo nga sa ilang inisyal nga imbestigasyon, nagpakamatay kini.
Hinungdan nga gipa-paraffin test usab nila ang biktima aron matumbok kon kini gayud ang nagpusil sa kaugalingon.
Kahinumduman nga gipusil matud pa sa nasampit ang kaugalingon sa ulo, gamit ang iyahang 9mm nga armas.
Matud ni Police Supt. Romeo Galgo, tigpamaba sa kon PRO-12, nagpadayon ang gipahigayon nilang imbestigasyon sa naasoy’ng insidente.
Samtang, nadala na usab sa North Cotabato ang patay’ng lawas ni PO2 Corderp aron didto ilubong.
