Gibutyag ni ACT Teachers Party-list Rep Antonio Tinio nga mismo si Presidente Ferdinand Marcos Jr. ang giingong mi-aproba sa 3,700 ka proyekto sa Department of Public Works and Highways (DPWH) nga nagkantidad og ₱214.4 bilyon gikan sa gitawag nga unprogrammed appropriations o pondo nga wala sa nalatid nga budget sa gobyerno.
Kini ang gibutyag ni Tinio atol sa budget deliberation sa Office of the President sa plenaryo sa kamara kagahapon.
Si Tinio niingon nga base sa opisyal nga datos, ₱61.4 bilyon ang nagasto kaniadtong 2023 ug ₱153 bilyon karong tuiga sa 2024 alang sa mga proyekto sama sa flood control, kalsada, ug multi-purpose buildings.
Si Tinio niinsistir nga base sa balaod, ang maong mga proyekto kinahanglang aprobahan sa Presidente. Dinhi, napamatud-an gikumpirma atol sa hearing nga si Pres. Marcos Jr. ang nipirma aron ma aprobahan ang mga proyekto.
Siya usab miingon nga kadaghanan niini nga mga proyekto miadto sa mga dapit nga dugay nang adunay isyu sa korapsyon sa mga proyekto sa flood control.
Gisaway usab niya ang pamahayag ni Executive Secretary Lucas Bersamin nga wala silay labot sa maong mga proyekto, bisan pa nga ang pag-apruba gikinahanglan mismo sa Presidente.
