Nagtuo si House Prosecutor member Rep. Rodge Gutierrez nga dili posible ang gilatag nga “timeline” o kalendaryo ni Sen. Francis Tolentino, kalabotan sa impeachment trial batok kang Vice Pres. Sara Duterte.
Matud kang Gutierrez, sugod nga gipagawas ni Tolentino ang iyang kalendaryo wala na nagkaiastorya ang House Prosecution Panel.
Apan sa iyang tan-aw, dili posibleng ma-consolidate sa duha ka Articles lamang ang kaso, tungod morag pagluib kini sa tibuok Articles of Impeachment.
Dili usab matod pa paigo ang maong timeline para sa 7 Articles of Impeachment batok sa bise presidente.
Base sa schedule ni Tolentino, migawas nga duha ka adlaw lang ang presentasyon sa mga ebidensya.
Gihingusgan usab ni Gutierrez, pwede usab nga mutabok sa 20th Congress ang pagtaral, base usab sa nalatid sa Konstitusyon.
Gisiguro usab ni Gutierrez nga magpadayon ang pagpangandam sa House Prosecution Panel.
Samtang gihingusgan ni Akbayan Partylist Rep. Percy Cendana nga angayang makaangkon ug fair day in court ang impeachment case batk kang VP Sara.
Pahayag kini ni Cendana human sa pagpagawas ni Sen. Francis Tolentino og timeline.
Gihingusgan ni Cendana, dili angayang paspasan ang proseso.
Gihingusgan sa Kongresista nga klaro ang ilang panawagan nga angayang masugdan na ang tama nga proseso og kinahanglan nga mabasa ang tanan nga articles of impeachment og mapakita ang mga ebidensiya.
