SOUTH COTABATO – Wala makalusot sa checkpoint ang duha ka tigpayuhot sa illegal nga sigarilyo apil ang 20 ka karton sa nagkalain laing matang sa sigarilyo.
Matud ni Police Brig. General Jimili Macaraeg sa Police Regional OPffice 12 nga gipahunong matud pa ang usa ka mini van sa checkpoint sa kapulisan sa Barangay Sinolon, T”boli South Cotabato aron susihon ang mga karga.
Nakita sa mga otridad ang kadudahang kargamento ug sa pagsusi nadeskubre nga mga palusot nga sigarilyo nga may estimated market value nga P325,000.00.
Matud ni General Macaraeg nga pakyas makapakita ug mga papeles ang duha ka pahenante nga nagresulta sa pagkaaresto sa mga nahisgutan.
Ang duha mao silang Alex Malunao Sandiego 47 anyos driver nga taga Bual Isulan Sultan Kudarat ug ang kauban nga si Datu Mama Manginyong Sacandal 36 sales agent nga taga Tuka Bagumbayan Sultan Kudarat.
Ulahi na lamang nadeskubre ang mga nahisgutan ang nalambigit na kaniadto sa pagpamaligya ug smuggled cigarettes.
Pulos kustudiya sa kapulisan sa T’boli ang mga nahisgutan samtang giandam ang pagpasaka ug tukma nga kaso.
