Gikumpirma sa International Criminal Court kon ICC nga anaa sa ICC Detention Center sa Scheveningen, The Hague, Netherlands si kanhi Pangulong Rodrigo Duterte.
Base sa pamahayag sa tigpamaba sa International Criminal Court nga si Fadi El Abdallah, gibutang nila si Duterte sa detention facility human nga gipailawom sa medical check-up.
Isip standard practice, sa pag-abot sa suspek sa ICC Custody, muhimo og proseso ang korte aron maprotektahan ang panglawas og kaayuhan sa suspek.
Giawhag usab sa opisyal ang tanang partido nga respetuhon ang integridad sa judicial process.
Samtang e-anunsiyo ang schedule sa inisyal nga pag-atubang ni Duterte sa korte.
Una nang gibutyag kanhi Executive Secretary Salvador Medialdea nga wala sa International Criminal Court Detention Center si kanhi Pangulong Rodrigo Duterte sa dihang personal na unta niining duawon ang kanhi pangulo sa Schevenigen, The Hague
Misugot pa ang ICC apan wala gipahibalo si Medialdea kung asa nga ospital kini gidala.
Matud pa niini nga sa ilang pag-abot sa The Hague, iyang gisultihan ang ICC nga dapat dalhon ang kanhi pangulo sa ospital.
