Gitabla sa Oklahoma City Thunder ang serye kontra sa Indiana Pacers sa 2-2, human mihimo og 4th-quarter scoring run sa Game 4, 111-104.
Subling gipangunahan ni Thunder guard Shai Gilgeous-Alexander ang iyang team og nagbuhos og 35 points samtang 27 points usab ang giamot sa small forward nga si Jalen Williams.
Sa bench sa Thunder, si Alex Caruso ang mihimo og 20 points sa sulod sa 20 minutos nga pagdula.
Wala nasalbar sa duha ka all-around player sa Pacers nga silang Tyrese Haliburton og Pascal Siakam ang ilang team bisan sa nindot nga performance sa unang tulo ka quarter.
Kini human nga nahimo sa Indiana nga mapabilin nang lead sa 1st hangtod 3rd quarter kung asa naposte niini ang 7-point lead sa pagtapos sa ikatulong quarter.
Hinuon mibawi ang Thunder sa ulahing quarter og mihimo og 31-17 run sa katibuk-an sa 12 minutos sa pagpanguna ni Shai, dalan aron iposte ang 7-point deficit sa pagtapos sa Game 4.
Bisag nahimong dikit ang dula tali sa OKC og Pacers, managlahi ang nahimong scoring strength sa mga nasampit.
Gibantayan sa Pacers ang 3-point line og giusulod ang 11 3-pointers sa katibuk-an sa dula samtang tulo lamang ang nahimong tubag sa Thunder.
Sa pikas bahin, gibantayan usab sa OKC ang paint area og nahimo nga magpasulod og 54 points ilawom niini samtang bugtong 36 lamang ang tubag sa Pacers.
Subling misentro ang opensa sa Pacers sa shot assist, samtang nahimong dakong bentaha usab sa Thunder ang free throw area.
Mihimo ang OKC og 34 free throws gikan sa 38 attempts samtang bugtong 25 ang napasulod sa Pacers gikan sa 33 attempts.
Ipahigayon ang Game 5 sa homecourt sa Thunder sa Oklahoma City.
