Teves gideport na gikan sa Timor Leste

Gipaabot na sa Pilipinas si kanhi Rep.Arnolfo “Arnie” Teves Jr., human nga gidakop sa Timor Leste.
Si Teves ang gitudlo nga nagpatay kang Gov. Roel Degamo.

Nakaposas ang mga kamot ni Teves samtang padulong sa eroplano sa Philippine Air Force.

Ang eroplano nga gisakyan ni Teves mibiya sa Timor-Leste pasado alas 2:40 sa hapon (oras sa Pilipinas).

Gibutyag sa Justice Secretary nga ang eroplano mutugpa sa Villamor Air Base.

Human niini, si Teves dad-on sa NBI ug dayon sa korte.

Mahitungod sa kustodiya ni Teves, gibutyag ni Remulla nga lagmit nga ipriso siya sa usa sa mga pasilidad sa NBI aron masiguro ang iyang kaluwasan.