GENSAN-Gipalig-on sa Traffic Enforcement Unit-Gensan ang pagpatuman sa gitakdang speed limits ug mandatory nga paggamit sa standard protective helmet sa tanang nagmaneho og motorsiklo ug ilang mga angkas.
Matud sa ahensya, ang maong lakang gitumong aron mapalambo ang kaluwasan sa kadalanan, maminusan ang mga disgrasya, ug mapanalipdan ang kinabuhi sa tanang naggamit sa dalan.
Gipunting nga mas hugot kining ipatuman ilabi na sa mga dagkong highway ug mga lugar nga kanunay matala ang mga insidente sa disgrasya.
Gipahinumdoman ang mga motorista nga sundon ang gitakdang speed limit, magsul-ob kanunay og hustong helmet, ug magmaneho nga responsable pinaagi sa pagsunod sa mga balaod trapiko.
Gihangyo sa TEU-Gensan ang kooperasyon sa publiko aron mahimong mas luwas ang mga dalan alang sa tanan nga nagbiyahe.
