GENERAL SANTOS CITY – Gikatakda sa Mayo 4, 2022 ang Final Testing and Sealing sa mga vote counting machines kon VCMs nga gamiton sa pinili-ay alang sa mga residente dakbayan .
Matud pa kang Atty. Sittie Sharmaine Garangan, City Comelec Officer nga pinaagi niini masayran kung muandar o dili ang nahisgutang mga himan .
Ang Final Testing and Sealing sa mga VCMs ang usa sa proseso nga kabahin sa elections nga ipahigayon sa matag presinto.
Sa pamahayag ni Atty Garangan nga adunay 496 ka mga VCMs nga miabot sa dakbayan ug nakabutang sa usa ka lugar nga bantay sarado .
Matud niini nga sa miaging semana miabot sa syudad ang mga VCMs alang sa tibook rehiyon 12. Ang Final Testing and Sealing sa VCMs ang base sa Comelec Resolution Number 10727.
Giawhag usab niini ang mga representante sa matag partido nga mutambong sa maong aktibidad .
