Kulang na og test kits ang molecular laboratory sa Dr. Jorge Royeca Hospital.
Matud pa ni Dr. Jett Oco, department head sa City Health Office og IATF incident commander nga ang nahibilin nga test kits ang alang lamang sa mga pasyente sa maong ospital.
Gikadugang pa ni Dr. Oco nga karon ang mga samples ang gipadala sa Cotabato Regional Medical Center sa Cotabato City.
Gibutyag pa niini nga kada semana duha ka higayon lang pwede nga magpadala og samples.
Tungod niini madugayan ang pagawas sa resulta og dili masayran gilayon kung positibo og dili ang usa ka tawo.
Nasayran nga daghang mga lugar sa Rehiyon 12 lakip sa BARMM ang didto usab gapadala sa ilang samples.
Matud pa ni Oco nga kung magdugay nga mugawas ang resulta dili gilayon ma-quarantine ang mga close contact niini og posible makatakod pa sa daghang mga tawo kung positibo usab sa virus.
