Lisod kaayo ang kahimtang sa mga motorista dinhi sa dakbayan sa Heneral Santos tungod sa kalit nga pagsaka sa presyo sa mga produktong petrolyo.
Matud ni Balong Valiente, usa ka regular nga motorista, na aksyon na gyud siya sa iyang kabalaka kay dili na mutakdo ang iyang naka-budget nga kwarta para sa gasolina sa usa ka adlaw. Sumala niya, kaniadto, ang P200 nga gasolina makasustain sa duha ka adlaw nga biyahe, apan karon, ang parehas nga kantidad igo ra alang sa usa ka adlaw. Matud pa niya, “Sakit gyud sa bulsa ug kinahanglan gyud mag-adjust sa mga panghitabo karon sa kalibutan.”
Dugang pa, giingon ni Valiente nga bisan lisod, wala nay lain mabuhat kundili dawaton ang kahimtang ug mag-adjust sa bag-ong presyo sa petrolyo. Ang sitwasyon nagpakita sa direkta nga epekto sa global nga tensyon, ilabina sa Middle East, sa lokal nga ekonomiya ug sa adlaw-adlaw nga kinabuhi sa ordinaryong tawo.
Sa pagkakaron, padayon gihapon ang pagmamatikod sa presyo sa petrolyo ug sa epekto niini sa mga motorista ug negosyo sa dakbayan, samtang nag-awhag ang mga eksperto sa publiko nga magplano ug mag-budget sa maong sitwasyon.
