GENERAL SANTOS CITY – Dili pasagdan sa Tuna Exporters multi purpose cooperative kon TEMPCO ang ilang mga trabahante nga biktima sa vehicular accident sa Brgy. Batomelong ning Dakbayan. Matud pa ni Ruel Flores, Focal Person sa TEMPCO nga ilang gihimo ang tanan nga pag-asikaso sa mga nabiktima.
Sa iyang pamahayag nga ang mga opisyal sa TEMCO ang gapaningkamot nga abagahon ang mga galastuhan alang sa mga biktima. Kagahapon sa buntag mibisita sa punerarya ang banhunon sa usa sa namatay nga biktima alang sa pagpahiluna sa namatay nga hinigugma.
Basi sa impormasyon nga magpakasal na unta sunod bulan ang duruha apan naapil sa pagkaligid sa utility van ang pangasaw-onon niini nga nagresulta sa pagkamatay sa biktima. Nasuta nga bag-o lamang nakapahigayon sa ilang prenup ang duruha nga kabahin sa preparasyon sa ilang kasal. Hinuon wala na mihatag ug pahayag ang nahisgutan kalabot sa nahitabo sa iyang hiningugma.
