GENERAL SANTOS CITY – Misaka ug pito ka porsyento ang teen-age pregnancy kon kabataan nga wala sa plano nga magbuntis .
Dinhi sa rehiyon dose ang mga nahisgutan ang nag edad gikan kinse hangtud dise nueve anyos ang gimonitor sa population commission ug sa buhatan sa DSWD.
Kini aron sa pagsiguro sa kaayohan sa batan-ong nagbuntis ug sa ilang gisabak ug bisan kadtong gihimugso na nga bata.
Kahinumduman nga nakatotok niini ang programang “Kalinga” human gibisita sa nahigsutang mga buhatan ang lima ka barangay sa Koronadal City, diin ang DSWD-12 mihatag og tag-P1,000 pesos nga ayuda pinansiyal ngadto sa singkwenta ka pobre ug tin-edyer-nga inahan nga mitambong sa maong programa.
Tumong aron mapalambo ang social protection program sa mga nagsabak nga kabataan lakip sa ilang mga anak.
Gipatuman usab ang mga estratehiya ug interbensyon pinaagi sa pag edukar aron mapanalipdan batuk sa risgo ug kahuyang gumikan sa ilang kahimtang.
