GENERAL SANTOS CITY – Giangkon ni Head Coach Buboy Fernandez nga nasobrahan kaniadto sa training si Sen. Manny Pacquiao, alang sa away batok kang Jeff Horn, kung asa napildi ang senador.
Kini matud pa ang rason nganong ga-amping na sila ning higayuna, aron dili ma-overtrain ang fighting senator, sa nagpadayon nga training alang sa Pacquiao-Matthysse fight sa Hulyo 15.
Ginalikayan matud pa nila karon nga magpick gilayon ang kondisyon ni Pacman, hinungdan nga ginapaningkamutan nga magbilin una ug 20 percent, human nga nakaabot na ug 80 percent nga kondisyon.
Sa karon, buot matud pa ni Coach Fernandez nga usa ka pinasahi nga Manny Pacquiao ang masaksihan sa katawhan pag-abot sa away nila ni Matthysse, pinaagio sa ilang pagpaningkamot nga mabansay kini ug insakto, aron magmadaugon sa umaabot nga away.
