GENERAL SANTOS CITY – Gimugna ang ‘Task Force Pigcawayan’ aron mututok og manguna sa gipahigayong imbestigayon sa natigayon nga pag-ataki sa Bangsamoro Islamic Freedom Fighters sa Pigcwayan North Cotabato.
Sa pakighinabi kay P/Supt Romeo Galgo sa Police Regional Office, ‘hands-on’ si Regional Director P/C/Supt. Cedric Train sa sitwasyon.
Pipila sa mga sakop sa Regional Public Safety Batallion nga nakabase sa lugar ang mitabang sa paghatag ug seguridad sa mga pamilyang namakwit og ang uban niabag sa kasundalohan sa checkpoint.
Sa karon naa sa full alert ang Pigcawayan og nagpadayun ang hot persuit operation sa militar aron gukdon ang grupo sa BIFF.
Kahibaluan nga kagahapon, giataki sa kapin 300 miyembro sa BIFF ang mga detachment sa Cafgu og Barangay Peacekeeping Action Team sa Brgy. Simsiman og Brgy Malagakit Pigcawayan.
Gibutyag nga gikansela ang klase sa Pigcawayan og kasamtangang naa sa Municipal Hall ang mga evacuees.
