GENERAL SANTOS CITY – Mas gipalapdan pa sa lokal nga panggamhanan ang kampanya niini sa Task Force Sulong kalikasan.
Matud pa ni Bong Tuballes ang labaw sa Provincial Environment and Natural Resources kon PENRO Sarangani nga dili lamang mandato sa Task Force Sulong kalikasan ang kalabutan sa anti-illegal mining og anti-illegal logging sa probinsya apan gisakop na usab niini ang tanang environment crimes.
Gibutyag ni Tuballes nga grabe ang dakop dihang gisugdan ang pag-implementa sa Task Force nga rason nga nakunhuran ang mga environment crimes ilabina sa illegal logging.
Pagkakaron, nakatutok usab sa coastal area sa Sarangani Bay ang task force human nga nadiskubre nga gihimong trans-shipment na sa mga mangulingay ang dagat tungod sa sa dagat iagi ang mga uling og dili na ginabiyahe sa dalan tungod siguradong dili makalusot tungod maharang na gilayon sa mga checkpoints.
Sa pamahayag ni Tuballes, nanguna sa pag-impkementa sa Task Force Sulong kalikasan ang Philippine army og PNP samtang nakig-alayun usab sila sa PAMBI, Coast Guard og Philippine Maritime karong sakop na karon sa task force ang coastal area.
Sumala pa sa opisyal, gikatakdang magpatawag og panagpulong si Sangani Gov. Steve Solon aron hisgutan ang mas hugot pa nga pag-implementa sa Task Force ilabina nga natigayon ang pagkamatay sa usa ka katao samtang may mga naangol sa Kiamba gumikan sa iligal nga pagmina .
