Nagkuros ang dalan nilang Sagip partylist Rep. Rodante Marcoleta og Philippine Coast Guard (PCG) spokesperson Commodore Jay Tarriela sa pagdungog sa House tri-committee kalabotan sa pahayag nga gihimo-himo lamang ang West Philippine Sea.
Una nang nakaangkon og panagbangi ang aaduha pinaagi sa ilang mga gipagawas nga statement.
Para kang Marcoleta, dili angayang ipamugos ang paggamit sa West Philippine Sea aron ipasabot ang kadagatan sa kasadpang bahin sa nasud, lakip ang mga bahin nga giangkon sa China.
Sa bahin ni Tarriela, matod niya nga nahibulong siya sa kongresista nganong dili kini pwedeng hinganlan ug unsa ang iyang rekomendasyon niini.
Gihingusgan niya nga mismong ang Kongreso ang nagpatuman sa Philippine Maritime Zones Act nga walay nisupak o ni-abstain sa boto.
Giklaro usab ni Tarriela nga wala niya partikular nga gitawag nga traydor si Marcoleta.
