Nakaikyas ang target sa search warrant operation nga gihimo sa Polomolok Municipal Police Station kagahapong adlawa.
Matud pa kang Police Major Randy Apostol, deputy station commander sa Polomolok Municipal Police Station nga target sa operasyon si Harid Mangundalan alyas Orak nga taga Sitio Kalamunding, Bentong Sulit, Polomolok, South Cotabato nga nalambigit sa ilegal nga droga.
Nasayran nga ang nasampit ang kanhi dinakpan na gumikan sa ilegal nga droga kung asa nagbalik sa kanhi hinimuan human makagawas sa bilangguan.
Gibutyag nga nakamatikod ang target nga may pulis hinunngdan nga nakaikyas.
Matud pa ni Apostol nga nagresulta sa pagginukdanay apan wala na gayud nadakpan.
Ang nasampit ang suporter sa Daulah Islamiyah kung asa nakuha sa iyang balay ang shabu, eksplosibo, mga bala og flag sa ISIS.
Ang Polomolok Municipal Police Station ga-andam na sa kasong ipasaka batok sa maong tawo pinaagi sa regular filing.
