GENERAL SANTOS CITY-Nagpadayon karon ang manhunt operation sa mga sakop sa Polomolok Municipal Police Station san duha ka nakasibat nga kauban sa napusilan-patay nga target sa gipahigayong operasyon kagahapong kaadlawon sa Brgy Crossing Palkan, Polomolok, South Cotabato.
Kahinumduman nga gideklarang dead on arrival sa usa ka tambalanan ang nagpangalan ug Allan Subillaga nga residente sa nasampit nga lugar.
Kini human gisulod sa mga otoridad ang panimalay sa suspek human nagpahigayon ug buybust operation nga nagresulta sa shootout.
Narekober sa panimalay sa suspek ang mark money ug usa ka gituhuang sachet sa shabu samtang laing usa ka medium sachet ang nakuha sa posisyon sa suspek.
Nasuta nga nagpadayon ang manhunt sa duha ka suspek nga nakasibat gikan sa lugar.
