Ginatun-an pa karun sa Malacañang ang tanyag sa Asian Development Bank nga 1.75 bilyon dollars nga tabang pinansyal ngadto sa gobyerno sa Pilipinas tungod kinahanglan pa nga moagi sa angay nga proseso sa pagrepaso ang maong hisgutanan.
Sumala ni Palace Press Officer Undersecretary Claire Castro, ang Department of Finance mohimo og pagtuon kabahin sa tanyag sa ADB.
Espesipikong tun-an sa DOF ang mga termino ug kondisyon sa tanyag sa pinansyal ug kini aron masiguro nga kini nahiuyon sa mga tumong sa gobyerno sa pagdumala sa panalapi ug utang.
Taliwala niini, gipahibalo ni Castro nga ang maong tanyag sa DBM usa ka dakong tabang nga nagtumong sa pagpakunhod sa epekto sa ekonomiya sa panagbangi sa Middle East sa nasud.
Miingon usab siya nga kini usa ka klaro nga pagpakita sa pagsalig sa mga kauban sa pag-uswag sa abilidad sa gobyerno sa pagtubag sa mga hagit sa kalibutan.
