GENSAN- Gipahigayon ang sorpresang drug test sa tanang personnel sa Police Station 1 kon Pendatun Police Station pinaagi sa tabang sa Regional Forensic Unit 12.
Ang mga pulis gipasumite sa ilang urine sample aron masiguro nga walay miyembro nga gagamitan og iligal nga droga.
Kini nga aktibidad kabahin sa PNP cleansing program nga nagtinguha nga mapanalipdan ang integridad sa kapulisan ug ipakita nga ang mga pulis mahimong maayong ehemplo sa publiko pinaagi sa pagpanglimpyo sa kaugalingong han-ay ug pagsunod sa balaod.
Ang maong drug testing usa ka regular ug preventive nga lakang aron malikayan ang paggamit og iligal nga substance sa internal nga han-ay sa kapulisan.
Ang resulta sa test magahatag og klaro nga indikasyon kung kinsa ang nagpadayon sa maayong pamatasan ug kinsa ang nanginahanglan og tukmang interbensyon o suporta.
