GENERAL SANTOS CITY – May ginatutukan na nga person of interest ang kapulisan sa Tambler Police Station may kalabutan sa pagpanglugos nga nahitabo sa usa ka 9 anyos nga batang babaye nga biktima sa Purok Upper Banualan, Barangay Tambler, General Santos City.
Matud pa ni Police Major Ian Bagot, ang hepe sa kapulisan sa Tambler Police station nga kasamtangang naka confine pa sa Dr. Jorge Royeca Hospital ang biktima apan nakakuha sila ug semen gikan sa bata nga gamiton alang sa DNA crossmatching aron matumbok ang responsable sa maong krimen.
Kahibaloan nga nahitabo ang insidente pasado alas 3 sa kaadawon niadtong petsa 9, 2024 sa maong lugar kung asa wala matud pa nakamata ang mga ginikanan sa biktima dihang gikuha gikan sa ilang balay ang matud pa natulog lamang nga batang babaye.
