Gikumpirma sa gobyerno sa Afghan Taliban nga giatake niini ang mga tropa sa Pakistan sa pipila ka mga bukirong lugar sa utlanan sa duha ka mga nasud.
Ang Taliban nag-ingon nga kini kabahin sa ilang “retaliatory operations” human gibombahan sa Pakistan ang usa ka merkado sulod sa teritoryo sa Afghanistan kaniadtong Huwebes, Oktubre 2.
Gitawag sa Pakistan ang mga pag-atake nga “unprovoked” ug miinsistir nga gipunting sa grupo ang mga sibilyan.
Sumala ni Interior Minister Mohsin Naqvi, nga ang mga pwersa niini motubag sa usa ka ”stone for every brick,” ingon usa ka pasidaan sa Taliban.
Sumala sa taho, ang duha ang giingong migamit ug short firearms ug artillery sa rehiyon sa Kunar-Kurram. Diin daghang mga lugar lakip ang Angoor Adda, Bajaur, Kurram, Dir, Chitral ug Baramcha ang naapektuhan.
Apan ang Taliban miingon nga ang Pakistan nakalapas sa ilang soberanya pinaagi sa pagpamomba sa lalawigan sa Paktika, diin daghang mga tindahan ang nangaguba.
Gipanghimakak sa Islamabad ang mga alegasyon, nga nag-ingon nga ang mga militante sa Pakistani Taliban o TTP naggamit sa Afghanistan isip base sa mga operasyon batok kanila.
Samtang, ang Saudi Arabia ug Qatar nanawagan alang sa pagpugong sa kaugalingon ug diyalogo aron malikayan ang mas grabe nga panagbangi.
