Gipahunong na ang operasyon sa mga merkado sa Taiwan apil na ang klase ug ang trabaho tungod sa hulga sa bagyong Gaemi nga mao ang bagyong Carina sa Pilipinas.
Madumdumang una nng gikansela sa maong nasud ang ilang tinuig nga Han Kuang war games aron pangandaman og maayo ang bagyo.
Sa Capital Taipei ug sa mga kasikbit nga siyudad nga New Teipei, Keelung, ug Tauyuan, gisira na usab ang mga eskwelahan ug financial market samtang naka-standby na ang kapin sa 1,000 ka mga rubber boats alang sa posibleng mga pagbaha sa dakong bahin sa Taiwan tungod sa akusog nga pag-ulang dala niini.
Gi-andam na usab nila ang emergency’ food, tubig, ug mga communication equipment.
Matud ni Taiwan Defense Ministry Spokesman Sun Li-fang, siguradng mabati nila ang impact o epekto sa maong bagyo rason nga apil sa ilang gipa-andam ang air ug naval assets alang sa bisan unsa mang posibleng mahitabo.
Gila-umang tumbukon sa bagyong Gaemi ang Taiwan human nakagawas sa teritoryo sa Pilipinas.
