Gilauman nga mag abri ang Taiwan ug mga 180,000 ka trabaho sa pag-atiman sa sunod nga lima ka tuig, nga maghatag higayon sa mga Pilipino nga gusto magtrabaho sa gawas sa nasud.
Bisan pa nga ang panginahanglan alang sa mga caregiver nagkadaghan, ang gidaghanon sa mga aplikante nga Pilipino namatikdan nga pagkunhod sa bag-ohay nga mga tuig.
Sa pagkakaron, ang mga caregiver kay gikonsiderar nga mga household service worker sa Department of Migrant Workers (DMW), mao nga mokabat lang sa P20,000 ang binuwan nga sweldo. Tungod niini nawad-an og interes ang pipila ka mga Pilipino.
Bisan tuod gidid-an ang mga recruitment agencies sa pagpaningil ug placement fees alang sa mga aplikante sa caregiver, ang Association of Licensed Recruitment Agencies nanawagan sa DMW nga repasuhon ang klasipikasyon sa mga caregiver isip semi-skilled nga mga trabahante aron madugangan ang bayad ug madasig ang mas daghang Filipino nga mo-apply.
