GENERAL SANTOS CITY – Walay low pressure area o bagyo inay tail end of the cold front ang rason sa mga pag-ulan-ulan nga nasinatian sa dakbayan ug sa pipila ka bahin sa Mindanao.
Matud ni Henario Binan sa Pagasa-Gensan, kini ang tumoy sa Hanging Amihan kon Norteast monsoon nga misugat sa init nga hangin gikan sa Habagatan nga nagmugna ug mga thunderstorm clouds nga nagresulta sa pag-ulan.
Kini ang hinundgan nga ang mga rehiyon sa Caraga, Davao ug Amihanang Mindanao ang gilauman nga makasinati matud pa ug mga madag-umon nga kalangitan inubanan sa hinay ngadto nasa kasarangan nga pag-ulan kilat ug pag panalugdog.
Samtang ng ubang bahin sa Mindanao ang makaangkon sa panalagsang panagdag-um ngadto sa madag-umon nga kalangitan inubanan sa pat-ak pat-ak nga hinay nga pag-ulan.
Kasarangan ngadto na sa kusog nga hangin nga mohuyop gikan sa amihanang sidlakan ug kasarangan ngadto sa dagko ang balud sa kadagatan.
