GENERAL SANTOS CITY – Kasuhan sa kapulisan sa pagsupak sa Coconut Preservation Act ang mga tag-iya sa tulo ka trak nga adunay karga nga mukapin sa dise otso mil board feet sa coco lumber.
Matud ni Police Chief Instr. Nestor Maderse sa Fatima Police station nga nahuman na ang pag scale sa lumber ug napamatud-an nga misupak sa patakaran sa Philippine coconut Authority human nagsobra sa dos mil ka board feet nga limit matag sakyanan.
Nagpaabut na lamang ang kapulisan sa kopya sa certification gikan sa PCA aron pagdeklara nga iligal ang pag transport sa mga coco lumber.
Una nga nasita sa mga Ranger sa PCA ang tag-iya sa coco lumber miaging mga gabii human pakyas makapakita ug papeles sa kargamento.
Matud niini nga hugot gidili ang pagbiyahe ug mga cocolumber panahon sa gabii.
Kasamtangan kustudiya sa kapulisan ang tulo ka sakyanan apan ilang gibuhi-an ang tulo ka mga driver tungod misobra ang prescribe detention sa ilang buhatan.
