GENERAL SANTOS CITY – Hugot ang pagbantay og dili magkumpiyansa ang kasundalohan batok sa Communist Party of the Philippines kon CPP nga magsaulog sa ilang ika-52 ka tuig nga anibersaryo sa Disyembre 26, 2020.
Matud ni 1st Lt. Jess Hinampas ang tigpamaba sa 73rd Infantry Batallion Philippine Army, ang sistema sa maong walhong grupo atol sa ilang anibersaryo ang gapahigayon og tactical offensive hinungdan nga hugot ang ginahimong monitoring sa militar.
Gibutyag niini, gapahigayon og visibility patrol sa mga vital installations sa ilang area of hurisdiction, combat patrol samtang sa monitoring aduna silay koordinasyon sa PNP kung asa ma oy nagapahigayon og checkpoints sa mga borders og sa entry og exits points.
Sa maong paagi mapugngan ang mga posibleng harassment og pagpangatake sa walhong grupo.
Sa pamahayag pa ni Lt. Hinampas, ginapangandaman sa kasundalohan ang matag anibersaryo sa CPP alang sa posibleng himuon nga mga harrassment sa walhong grupo.
Nagpahimangno usab ang mga kasundalohan ngadto sa mga sibilyan nga magpadala sa imbitasyon sa walhong grupo nga delikado o posible matud pa nga mag-atubang og kaso kung madakpan.
