Taas presyo sa mga produktong petrolyo lauman sa unang semana sa Setyembre

Gipaabot ang laing pagsaka sa presyo sa mga produktong petrolyo sa unang semana sa Septiyembre.

Base sa gibana-bana sa Department of Energy, mahimong mosaka og P0.20 ngadto sa P0.30 ang presyo sa gasolina matag litro.

Samtang ang presyo sa diesel gipaabot nga mosaka og P0.50 ngadto sa P0.60 matag litro.

Gipaabot usab nga mosaka sa P0.50 ngadto sa P0.60 ang presyo sa kerosene matag litro.

Gitumbok sa DOE ang lakang sa Organization of Petroleum Exporting Countries and allies (OPEC+) ingon man ang pagpahamtang sa mga taripa sa US.