GENERAL SANTOS CITY – Angayang matudluan ang mga estudyante sa sexual education.
Kini ang gibutyag ni DepEd GenSan Assistant Supt. Mario Bermudez, gumikan nasuta nga ubay-ubay sa mga batan-on ang nalambigit sa risky sexual and social behavior bisag nagpangidaron pa lamang sa 13 ngadto sa 17-anyos.
Gikabutyag nga makaalarma ang sitwasyon sa mga batan-on nga nalambigit sa teenage pregnancy.
Sumala pa nga sa tuig 2016 anaa sa 66 ka mga estudyante ang nabuntis, samtang sa 2018 misaka ngadto sa 83 ka kaso.
Ang mitaas nga kaso sa teenage pregnancy ug sa HIV mao ang nagtukmod sa DepEd-GenSan nga matudluan ang mga estudyante kung sa unsa makalikay ug mahimong responsableng magtutungha.
Kahibaluan nga katambayayong ang DepEd sa kasaulogan sa Womens Month matag bulan sa Marso.
Ang tema ning tuiga mao ang ‘Think Equal, Build Smart Innovate for change’.
