Nakatala ang Phivolcs og phreatomagmatic eruption sa Taal Volcano mga alas 4:21 karong Miyerkules sa hapon.
Mas kusog kini nga mga pagbuto nga makapagawas ug daghang mga materyales sa bulkan.
Wala pa mahibaw-i ang ubang detalye sa maong kalambuan.
Una niini nga ang Phivolcs sa Taal adunay lima ka phreatic eruption nga nahitabo sa miaging 24 oras.
Ang steaming plume niini adunay gitas-on nga 2,100 metros.
Kini kay kasarangan ang pag-alisngaw ug mitugpa sa amihanang silangan ug silangan-amihanang-silangan sa bulkan nga nahimutang sa Batangas.
Gawas niini, aduna usay unom ka volcanic tremors, diin nilungtad kini og 2-10 minutos.
Ang Sulfur Dioxide Flux (SO2) niabot sa 1,354 ka tonelada/adlaw.
Adunay usab pagtaas sa init nga mga likido sa bulkan sa Main Crater Lake nga timailhan sa nagpadayon nga mga abnormalidad.
Ang Taal Caldera nakakita usab og ground deformation nga adunay mubo nga pag-ulbo sa amihanan ug habagatan silangang bahin sa Taal Volcano Island. Nagpabilin kini sa alert level 1 ug posible nga masundan ang maong aktibidad sa bulkan.
